Presidenti i Francës, Emmanuel Macron, ka konfirmuar mbështetjen e Francës për dialogun Kosovë – Serbi të udhëhequr nga Bashkimi Evropian.
Macron dhe presidentin e Serbisë, Aleksandar Vuçiq, janë takuar në Paris, ku temë kryesore e bisedimeve të tyre ka qenë Kosova.
“Janë bisedime të rëndësishme që udhëhiqen nga Bashkimi Evropian dhe dua edhe një herë të shpreh mbështetjen e Francës për Emisarin Special të BE-së për dialogun, Mirosllav Lajçak”, ka thënë Macron për media, raporton “RTS”.
Macron ka shtuar se në nëtror ka biseduar edhe me kryeministrin në detyrë të Kosovës, Avdullah Hoti dhe se do të bisedojë edhe me kryeministrin e ardhshëm të Kosovës pas zgjedhjeve të 14 shkurtit.
”Patëm bisedime të besimit të plotë me presidentin Vuçiq sa i përket kësaj teme, dhe dua të përshëndes rrezikun që ka marrë ai disa herë për të propozuar disa zgjidhje që janë inovative. Jam i gatshëm t’i mbështesë ato, zgjidhjen e vetme që do të çonte deri te përparimi në këtë çështje dhe të zgjidhet ajo”, ka thënë Macron.
Ai ka thënë se mbështesë të gjithë që duan të përparojnë marrëdhëniet mes Kosovës dhe Serbisë.
“Llogarisni në dyert e mia, e unë do të vazhdoj të jem me ju derisa të arrijmë përparim në këtë rrugë, në rrugën e normalizimit, por edhe në rrugën që na sjellë stabilitet e paqe në rajon dhe e di se ky është synimi i juaj”, kat hënë Macron.
Ndërkohë, presidenti i Serbisë, Aleksandar Vuçiq, ka pohuar se çështja e Kosovës nuk është e lehtë.
“Çështja e Kosovës dhe Metohisë është shumë e rëndësishme për ne dhe nuk është fare e lehtë. Të gjithë duhet të punojmë të arrijmë një zgjidhje të pranueshme për dyja palët, që deri më tash nuk ka qenë çështja ashtu. Gjithmonë kam qenë i gatshëm ta dëgjojë presidentin Macron dhe idetë e tij, që të mundohemi t’i afrohemi marrëveshjes”, ka thënë Vuçiq ,
