Takimi i radhës midis Greqisë dhe Turqisë pritet të zhvillohet në Athinë në fund të shkurtit ose në fillim të marsit. Një gjë të tillë e bëri të ditur kryeministri grek, Kyriakos Mitsotakis në një intervistë për mediat e huaja.
“Unë pres që brenda muajit, diku në fund të shkurtit ose në fillim të marsit të vazhdojmë diskutimet. Është një hap drejt drejtimit të duhur.”
Takimi i parë mes delegacionit grek dhe atij turk u mbajt në 25 janar. Palët u rikthyen në tryezë pas pesë vitesh dhe vendosën që takimi i radhës të mbahet në Athinë.
