Ministria e Punëve të Jashtme e Kosovës ka refuzuar kërkesën e Marko Gjuriqit për të hyrë në Kosovë.
Sipas burimeve të portalit Koha.net, Gjuriq ka kërkuar leje nga MPJ për të hyrë nesër në Kosovë. Deri tek vendimi i Ministrisë së Jashtme ka ardhur pas informacioneve se Gjuriq së bashku me disa zyrtarë të tjerë të kanë pasur në plan që nesër në veri të Kosovës të vizitojnë disa pika të karburantit në territorin e Kosovës, të cilat nuk janë të licencuara nga autoritetet kosovare.
Ndryshe, Marko Gjuriqit i lejohet hyrja në Kosovë vetëm me leje paraprake nga Ministria e Jashtme e Kosovës, ku ai fillimisht duhet të raportojë për agjendën që do ta ketë ndërkohë që është në territorin e Kosovës.
