Kuvendi i Maqedonisë së Veriut në seancën e sotme, me procedurë të shkurtuar ka miratuar Ligjin për konstatimin e statusit juridik të obejkteve të ndërtuara pa leje. Sic përcjell KlanM, Ligji i cili ishte përkrahur edhe nga qeveria edhe nga opozita ishte votuar me 72 vota “Për” dhe 5 “Kundër”. Pesë deputetë ishin “të përmbajtur”.
Ky ligj parasheh legalizimin e ndërtimeve të jashtëligjshme të ndërtuar deri në hyrjen në fuqi të këtij ligji, respektivisht deri në ditën e tetë nga dita e shpalljes në “Gazetën Zyrtare” dhe do të vlejë deri në përfundimin e plotfuqishëm të procedurave që kanë filluar konform ligjit.
Nga ky ligj janë përjashtuar ndërtimet e jashtëligjshme në kufijtë e Rajonit të Ohrit ku ka trashëgimi natyroro-kulturore.
Ligjin përfshin objekte të ndërtuara pa leje ndërtimi. Do të lejohet legalizimi i ndërtimeve të jashtëligjshme në parqet kombëtare, rezervatet natyrore, përmendore të kulturës dhe rajone të trashëgimisë së mbrojtur të patundshme kulturore. /KlanMacedonia
