Frustrimet rreth bllokimit të bisedimeve për anëtarësimin dhe dërgesën e vaksinave i japin shans Kinës dhe Rusisë, tha kryeministri Zoran Zaev në një intervistë për magazinën “Politiko”, duke e paralajmëruar BE-në se do të godiste reputacionin e Ballkanit dhe do të humbasë më shumë hapësirë para forcave rivale nëse nuk fillon negociata me Maqedoninë e Veriut dhe Shqipërinë.
Zaev, në intervistën e bërë në kuadër të vizitës së tij në Athinë javën e kaluar, tha se dështimi për të filluar negociatat do të prekë jo vetëm Maqedoninë e Veriut dhe Shqipërinë, por edhe rajonin e gjerë të Ballkanit Perëndimor. Nëse BE nuk i përmbush premtimet e saj në rajon, do të jetë më pak një nxitje për Kosovën dhe Serbinë për të gjetur një zgjidhje në bisedimet e sponsorizuara nga BE dhe për ta bërë Bosnje e Hercegovinën më pak të ngjarë të zbatojë reformat e nevojshme.
Nëse rruga e rajonit drejt BE-së ngadalësohet, kjo sipas Zaevit do të hapë më shumë hapësirë për forcat tjera, veçanërisht për Rusinë dhe Kinën.
Zaev gjithashtu e hedh poshtë edhe idenë e eurokomisarit Oliver Varheji për ndarjen e Shqipërisë dhe Maqedonisë së Veriut për fillimin e negociatave,
“Ka mesazh të qartë kundër ndarjes dhe shpresoj se Bullgaria do të jetë e arsyeshme”, thotë Zaev për “Politiko”.
Në intervistë, Zaev e përshkroi problemin si “jo thelbësor” dhe shprehu optimizëm se mund të gjendet një zgjidhje e mosmarrëveshjes me Bullgarinë.
Ai shpreson për ndihmë nga fuqitë perëndimore, përfshirë presidentin amerikan Xho Bajden.
Nëse nuk ka avancim, paralajmëron Zaev, procesori i zgjerimit do të jetë i ngrirë për të paktën një vit e gjysmë tjetër, për shkak të zgjedhjeve në Bullgari, Gjermani dhe Francë.
“Kaq shumë viktima dhe pas kësaj BE-ja nuk do të japë. Ky është një problem. Treguam më shumë vlera dhe sjellje evropiane sesa BE-ja”, tha Zaev.
Lidhur me vaksinat, ai thotë se qeveria e tij ka paguar një çmim politik për besimin e saj në solidaritetin e BE.
Kundrejt të gjitha mossukseseve në periudhën e fundit, Zaev është optimist se BE-ja shpejtë mund ta kthejë besimin me hapje të shpejtë të bisedimeve për anëtarësim.
