Sekretari i Shtetit i SHBA, Antony Blinken me një mesazh në Twitter, është shprehur se i ka ndaluar hyrjen në Amerikë, ish-presidentit Sali Berisha.
‘Aktet korruptive të ish-Presidentit të Shqipërisë Sali Berisha minuan demokracinë në Shqipëri. Po e deklaroj publikisht Berishën dhe anëtarët e afërt të familjes së tij si të padëshiruar për të hyrë në Shtetet e Bashkuara. Mbetemi të bashkuar kundër korrupsionit me partnerët tanë në Shqipëri’, shkruan sekretari i Shtetit, Antony Blinken.
