Reshje të mëdha të shiut dhe breshërit kanë bllokuar qendrën e Gjilanit.
Sasi e madhe e ujit ka vërshuar rrugët teksa shihen se nuk po arrijnë të kalojnë qytetarët e as automjetet.
Pamje nga vendi i ngjarjes ka dërguar një lexues i Gazetës Express, ndërsa reshje shiu ka edhe në komuna të tjera të vendit.
Nesër në Kosovë do të mbajë mot kryesisht i vranët dhe jostabil.
IHMK-ja ka njoftuar se përpos rrezeve të pakta të diellit do të ketë edhe vranësira, shi dhe shkarkime rrufesh.
“Temperaturat minimale do të lëvizin ndërmjet 15-17 gradë Celsius, ndërsa maksimalet e ditës parashihen të lëvizin ndërmjet 26-28 gradë Celsius. Do të fryjë erë e lehtë dhe lokalisht e fortë nga drejtimi i verilindjes”, thuhet në njoftimin e IHMK-së.
