Presidenti i Turqisë, Recep Tayyip Erdoğan, zhvilloi një bisedë telefonike me kryeministrin e Greqisë, Kyriakos Mitsotakis, në të cilën u diskutuan zhvillimet e fundit në Afganistan dhe çështjen e migracionit, transmeton Anadolu Agency (AA).
Drejtoria e Komunikimeve e Turqisë tha në një deklaratë se Erdoğan dhe Mitsotakis shprehën shpresat e tyre për një tranzicion të qetë në Afganistan pasi vendi i shkatërruar nga lufta po kalon përsëri një periudhë kritike.
Në deklaratë theksohet se presidenti Erdoğan i tha kryeministrit grek se nëse nuk sigurohet një periudhë tranzicioni, presionet e migrimit të cilat tashmë kishin arritur nivele të larta, do të paraqesin një sfidë serioze për të gjithë.
Presidenti turk nënvizoi gjithashtu se qeveria e re që do të themelohet në Afganistan duhet të jetë gjithëpërfshirëse dhe të pasqyrojë larminë e popullit afgan.
Kryengritësit talebanë morën kontrollin e Afganistanit pasi morën Kabulin më 15 gusht, me presidentin dhe zyrtarë të tjerë të lartë që u larguan nga vendi.
Rrëmbimi i papritur i pushtetit ka shkaktuar një nxitim për të ikur nga Afganistani, përfshirë civilët që ndihmuan ushtarët ose grupet e huaja dhe tani kanë frikë nga hakmarrja e talebanëve./AA
