Kryetari i Mitrovicës Veriore, Goran Rakiq po akuzon institucionet kosovare që ndërtuan murin në Veri për të mbuluar telashet e tyre, dhe shkallen e papunësisë.
“Vendimet e paarsyeshme dhe zgjidhje të tilla si muri në afërsi të urës mbi lumin Ibër, janë gjëra që Prishtina dëshiron të tërheq vëmendjen e popullit për të mos kuptuar se qeveria nuk është e qëndrueshme, shkalla e papunësisë është në 60 për qind si dhe për t’i ndalur zërat për zgjedhje të parakohshme”, ka thënë Goran Rakiq, transmeton lajmi.net.
“Muri është përdorur për qëllime politike të politikanëve shqiptarë të cilët dëshirojnë të devijojnë vëmendjen e publikut nga angazhimet e papërmbushura mbi formimin e komunave serbe”, ka thënë Rakiq.
