Policia e Kosovës ka zhvilluar një aksion të gjerë kundër kontrabandës në disa komuna të Kosovës duke përfshirë edhe veriun e vendit nga ku pati përballje me grupe serbësh që dolën në rrugët e Mitrovicës së Veriut.
Në veri u lënduan disa policë e disa serbë, në mesin e të cilëve ishte edhe një zyrtar i Inspektoratit të Punës që u plagos.
Media mëson se Sreçko Sofronijeviç që u plagos në veri të Mitrovicës është zyrtar i Inspektoratit të Punës.
Zyrtari i Ministrisë së Financave (ku përfshihet Inspektorati i Punës) ishte në mesin e huliganëve serbë që kishin dalë në rrugë për të mbrojtur kontrabanduesit nga arrestimi i Policisë së Kosovës.
“Lëndimi u shkaktua nga një armë zjarri, Sreçkoja u qëllua në kraharor. Ne tash po përgatitemi për sallën e operacionit për t’ia hequr plumbin. Ai është në intenzivë dhe është në gjendje të rëndë” – ka thënë kirurgi Zlatan Elek.
Nuk ka asnjë përshkrim të disponueshëm.
