Presidenti Gjorge Ivanov sot në orën 13 do t’ia dorëzojë mandatin për konstituimin e qeverisë në Republikën e Maqedonisë Nikolla Gruevskit, kryetar i partisë politike VMRO-DPMNE, kumtoi Kabineti i presidentit të Maqedonisë. Afati kur presidenti Ivanov duhet t’ia besojë mandatin për formimin e qeverisë një kandidati të partisë, gjegjësisht partive të cilat fituan numrin më të madh të mandateve në zgjedhjet e parakohshme parlamentare të mbajtura më 11 dhjetor të vitit të kaluar, skadon sot. Përbërja e nëntë parlamentare të Maqedonisë, e cila ka 120 të përzgjedhur të popullit, u konstituua më 30 dhjetor të vitit të kaluar. Më së shumti deputetë ka koalicioni i kryesuar nga VMRO-DPMNE 51, Koalicioni i kryesuar nga LSDM ka 49 mandate, BDI 10, Besa 5, Aleanca e shqiptarëve 3 dhe PDSH 2. Në këtë përbërje parlamentare nuk ka të përzgjedhur të popullit nga diaspora për shkak të numrit të panevojshëm të votave të fituara. Mandatari në afat prej 20 ditësh nga dita e dorëzimit të mandatit, Kuvendit i dorëzon program dhe e propozon përbërjen e qeverisë. Qeveria, me propozim të mandatarit dhe në bazë të programit, e përzgjedh Kuvendin me shumicë votash nga numri i përgjithshëm i deputetëve. Presidenti ivanov gjatë kësaj fundjave duke u përgjigjur në pyetjen e gazetarëve kur dhe cilës parti do t’ia ndajë mandatin për formimin e qeverisë duke e pasur parasysh atë që afati skadon, tha se do të veprojë siç është theksuar në Kushtetutë. Kryeministri për zbatimin e zgjedhjeve, Emill Dimitriev, nga ana tjetër në pyetjen e gazetarëve për atë nëse pret që të respektohet afati përfundimtar për ndarjen e mandatit, tha se pret që e gjithë procedura të bëhet në afatet e përcaktuara në pajtim me ligjet. BDI, BESA dhe Aleanca për Shqiptarët, më 7 janar e publikuan platformën e përbashkët e cila do të jetë baza e tyre në negociatat për krijimin e qeverisë së re. Agjenda e përbashkët politike e tre partive parasheh barazi të plotë gjuhësore, gjegjësisht përdorimin e gjuhës shqipe si gjuhë zyrtare, barazi ekonomike, zgjidhjen e kontestit për emrin me përfshirjen e shqiptarëve në grupin punues për negociata të drejtpërdrejta me Greqinë, si dhe për integrimin në NATO dhe në Bashkimin Evropian.
rreth nesh
Ky portal mirëmbahet nga kompania ALMAKOS-MEDIA. Materialet dhe informacionet në këtë portal nuk mund të kopjohen, të shtypen, ose të përdoren në çfarëdo forme tjetër për qëllime përfitimi, pa miratimin e drejtuesve të ALMAKOS-MEDIA. Për ta shfrytëzuar materialin e këtij portali obligoheni t'i pranoni kushtet e përdorimit.