Në periudhën ndërmjet pasdites së të mërkurës dhe mesditës së të enjtes (6 janar 2022), një mashtrues i panjohur u paraqit si oficer policie ndaj një grua 66-vjeçare nga qyteti i St. Gallen.
Ai mundi ta bindte gruan që të depozitonte 34,000 franga, njofton policia, përcjell albinfo.ch.
Mashtruesi ka telefonuar 66-vjeçaren. Ai i tha se sapo ishin arrestuar dy burra. Ata kishin me vete një fletore me emrin e gruas dhe vendbanimin. Polici fals i shpjegoi 66-vjeçares se tani ishte e rëndësishme që ajo të dorëzonte në polici të gjitha paratë që kishte në shtëpi dhe në bankë. Gruaja e plotësoi këtë kërkesë dhe më në fund depozitoi mbi 34 mijë franga në një zarf.
Policia e kantonit St. Gallen zbulon rregullisht përpjekje për mashtrim nga oficerë policie të rreme. Shpesh mashtruesit arrijnë ta bëjnë këtë.
