Ministri i Jashtëm i Rusisë Sergei Lavrov thotë se tensionet në Ballkan po rriten ndjeshëm dhe BE duhet të ndërhyjë për të ndihmuar të qetësojë situatën dhe të ndikojë në zbatimin e marrëveshjeve të arritura në mes të Beogradit dhe Prishtinës.
Në një konferencë për median sot, 17 janar 2017, Lavrov tha se forcat shqiptare nuk duhet të jenë prezente në zonat me popullsi serbe në veri të Kosovës.
Ministri i Jashtëm rus tha se nuk duhet të ketë një konflikt të ri të armatosur në Ballkan.
“Unë shpresoj se gjithkush e kupton se nuk duhet të lejohet një konflikt i ri i armatosur në Ballkan” nënvizoi Lavrov
Lavrov ishte në konferencën vjetore për shtyp ku foli mbi rezultatet e ministrisë që ai drejton për vitin 2016.
