Shtetet e Bashkuara të Amerikës (SHBA) i kërkuan Koresë së Jugut të arrestojë vëllain e ish-Sekretarit të përgjithshëm të OKB-së, Ban Ki-moon për ryshfet.
Siç lajmëron agjencia e lajmeve Yonhap, SHBA-të bënë të ditur se për shkak të ryshfetit kërkojnë arrestimin e Ban Ki-sang dhe se kanë nisur negociata joformale me Ministrinë e Drejtësisë të Koresë së Jugut.
Më tej thuhet se Ban Ki-sang dhe djali i tij Ban Joo-hyun, të cilët menaxhojnë me kompaninë jugo-koreane Keangnam në Vietnam, kanë tentuar t’i japin ryshfet një zyrtari të paidentifikuar nga Lindja e Mesme në vlerë prej 500 mijë dollarësh.
Ryshfeti kishte për synim shitjen e një ndërtese e cila ishte në pronësi të kompanisë në fjalë.
Kundër Ban-it dhe djalit të tij në New York më 11 janar është ngritur procedurë gjyqësore.
