Është mbyllur për vizitorë Qendra e Skijimit në Brezovicë.
Kështu bëri të ditur policia nëpërmjet një njoftimi.
Mbyllja ka ardhur nga rreziku i orteqeve të borës për shkak të reshjeve.
Në njoftim ndër të tjera thuhet se qytetarët do të njoftohen me kohë, pasi të jenë krijuar kushtet për vizitë atje.
“Nga Qendra e Skijimit në Brezovicë jemi njoftuar se, shkak i të reshurave atmosferike dhe rrezikut që u kanoset qytetarëve nga ndonjë ortek bore, Qendra e Skijimit në Brezovicë është mbyllur sot për vizitorë”.
“Patrullat e policisë do të jenë tek udhëkryqi i rrugës që çon për në Qendrën e Skijimit në Brezovicë dhe tek laura ku fillon Parku Nacional “Sharr” dhe do të ndalojnë të gjitha automjetet e vizitorëve”.
“Ky njoftim bëhet me qëllim që mos të shkaktohen pengesa dhe bllokim i komunikacionit. Lusim shoferët e automjeteve që të respektojnë udhëzimet e policisë! Qytetarët do të njoftohen me kohë, pasi të jenë krijuar kushtet për vizitë atje”.
