Gjigandi i teksnologjisë, tha në një deklaratë se është “thellësisht e shqetësuar” për pushtimin rus dhe se si përgjigje, ajo “ka ndalur të gjitha shitjet e produkteve” në vend. Apple tha gjithashtu se ka lëvizur për të kufizuar aksesin në shërbimet dixhitale, si Apple Pay, brenda Rusisë dhe ka kufizuar disponueshmërinë e aplikacioneve të mediave shtetërore ruse jashtë vendit.
“Javën e kaluar, ne ndaluam të gjitha eksportet në kanalin tonë të shitjeve në vend. Apple Pay dhe shërbimet e tjera janë kufizuar. RT News dhe Sputnik News nuk janë më të disponueshme për shkarkim nga App Store jashtë Rusisë,” tha Apple. “Dhe ne kemi çaktivizuar trafikun dhe incidentet e drejtpërdrejta në Apple Maps në Ukrainë si një masë sigurie dhe paraprake për qytetarët ukrainas.”
Vendimi i Apple vjen pasi kompanitë e teknologjisë janë përballur me presionin në rritje të publikut për të vepruar kundër Rusisë. Qeveria ukrainase javën e kaluar i kishte kërkuar Apple që të ndalonte ofrimin e dyqanit të aplikacioneve të saj në Rusi, por disa ekspertë të sigurisë dhe demokracisë thanë se kjo mund të dëmtojë përdoruesit rusë që po protestojnë kundër Kremlinit dhe që mbështeten në mjetet perëndimore për t’u organizuar.
Facebook, YouTube dhe Twitter kanë filluar të godasin përmbajtjen e shpërndarë nga mediat ruse mes presionit të intensifikuar nga zyrtarët evropianë për të vepruar kundër propagandës pro-ruse. Netflix tha gjithashtu se po refuzon të transmetojë kanale televizive shtetërore ruse në vend.
Pas lajmit për vendimin e Apple të martën, Ministri i Transformimit Dixhital i Ukrainës, Mykhailo Fedorov , postoi në Twitter se CEO i Apple, Tim Cook duhet të “përfundojë punën” dhe i kërkoi sërish kompanisë të “bllokojë” aksesin në dyqanin e saj të aplikacioneve në Rusi.
