Presidenti Pendarovski sonte në emisionin “Rruga drejt” në Alsat, tha se është ende herët për t’u shfuqizuar parimi i Badinterit, pasi siç vlerëson ai ende i duhet shtetit.
“Vlerësimi im personal është se Badinteri është ende i nevojshëm në shtet, sepse ka ‘xhepa’ të tërë në administratën shtetërore, e cila numëron mbi 130 mijë persona, ku nuk ka përfaqësim të barabartë apo të drejtë, sidomos ata që ne i quajmë Badinterë të brendshëm, ose përfaqësim i drejtë i brendshëm në një organizatë. Mendoj se do të ketë ende vend që Badinteri të aplikohet. Jemi larg momentit kur të themi se Badinteri e ka kryer punën e vet”, tha Pendarovski.
