Këtyre ditëve pritet që së pari Shtabi i Krizës e më pas edhe Qeveria të deklarohen rreth rekomandimit të Komisionit për Sëmundje Infektive (KSI) për heqjen e të gjitha masave antiKovid. Ndryshe në vend ka gjithsej 503 raste aktive.
Për shkak të uljes së numrit të të infektuarve nga KOVID-19, të mërkurën Komisioni për Sëmundjet Infektive rekomandoi heqjen e të gjitha masave kufizuese, përveç mbajtjes së detyrueshme të maskave në objektet shëndetësore, farmaci, transportin publik dhe shtëpitë e të moshuarve. Po ashtu Komisioni u bëri thirrje qytetarëve që të respektojnë rekomandimet për mbrojtje dhe higjienë personale, si larja e shpeshtë e duarve, dezinfektimi dhe mbajtja e distancës.
