Gjatë ditës mbeti e bllokuar rruga drejt vendkalimit kufitar “Bllacë”. Komunikacioni drejt vendkalimit kufitarë me Kosovën u ndërpre nga të dyja drejtimet për shkak të rrëshqitjes së dheut dhe gurëve në afërsi të vendit të quajtur “Vrazhi Vir”, shrkuan Alsat.
Automjetet nuk u lejuan për orë të tëra në pikën kufitare për shkak se vendi i rrëshqitjes së dheut ishte i pakalueshëm. Pasdite autoritetet njoftuan për lëshimin në qarkullim të një rruge alternative që mundëson kalimin e veturave për hyrje dhe dalje në rrugën Bllacë-Shkup dhe anasjelltas. /Alsat.mk
