Tre persona kanë mbetur të lënduar në një aksident automobilistik që ka ndodhur pasditen e sotme në magjistralen Ohër – Resnjë, afër kalimit malor Bukovë.
Sipas informacioneve fillestare në aksident janë përfshirë tri vetura, ndërsa janë shkaktuar dëme materiale.
Të lënduarit, siç informoi zëdhënësi i SPB-së Ohër Stefan Dimoski, janë transferuar në Spitalin e Përgjithshëm – Ohër dhe në spitalin special për ortopedi dhe traumatologji “Shën Erazmi”.
Ekipet e policisë po kryejnë hetimet në vendin e aksidentit për shkak të të cilit qarkullimi është ndërprerë dhe pas orës 15 është normalizuar në të dy drejtimet.
