Udhëheqësi i iniciativës qytetare serbe SDP, Oliver Ivanoviq i cili që tre vjet ndodhet në paraburgim, për shkak të akuzave për krime kundër popullatës shqiptare gjatë luftës së 1999 tha se nuk beson se Ramush Haradinaj do të ekstradohet në Serbi.
“Unë nuk jam optimist se Haradinaj do të ekstradohet në gjyqësorin serb, por ka shanse që të jetë e interesuar Gjykata Speciale e cila ka formalisht një zyrë në Prishtinë, por të gjitha rastet do të kryhen në Hagë. Ai nga Parisi do të transferohet direkt në qytetin kryesor të Holandës. Kjo pa dyshim do të prodhojë pasoja të caktuara politike për Kosovë dhe Metohi, për shkak se qeveria nuk ka fuqi të vërtetë”, ka thënë ai për “Veçernje Novosti”, transmeton Klan Kosova.
