TIRANE- Nuk ka më asnjë dyshim. Pas takimit kokë më kokë me Ilir Metën, kryeministri Edi Rama ka shkarkuar ministrin e Drejtësisë, Ylli Manjani, i cili u thirr pak minuta më parë në zyrën e Metës. Duket se prania e Petrit Vasilit në kryesi nuk ka qënë e rastësishme, ai është propozuar nga Rama që të zëvendësojë, Manjanin.
(Manjani duke dalë nga zyra e Metës)
Është ende e paqartë nëse shkarkimi ka qenë një vendimmarrje e njëanshme e kryeministrit Rama, apo ka arritur në një dakordësi. Gjithçka është bërë e ditur nga zyra e shtypit e Kryeministrit Rama, me anë të një shkrese të firmosur nga vetë ai se, shkarkonte Manjanin dhe propozonte në vend të tij numrin dy të LSI-së, zv.kryetarin Petrit Vasili.
Në këtë shkresë që i dërgohet Kreut të Shtetit, Bujar Nishani nuk është specifikuar motivacioni i shkarkimit të Manjanit.
