Gazetare: Ajnur Bafqari
Kreu i VMRO-DPMNE-së, Hristijan Mickoski akuzon se energjia elektrike tepricë e natës, është shitur më lirë se çmimi real i saj dhe në këtë mënyrë Maqedonia, qytetarët dhe EMV-ja janë dëmtuar për rreth 10 milion denarë për 25 orë. Ai nëpërmjet një postimi në fejsbuk, sqaron se në 5 ditët e para të gushtit, energjia tepricë e natës është shitur për rreth 245 euro për megavat për orë, ndërkohë që çmimi i energjisë elektrike tepricë për periudhën e njëjte ishte rreth 372 euro.
“Maqedonia, qytetarët dhe EMV për vetëm 25 orë dëmtohen për rreth 10 milion denarë dhe në vend që energjia elektrike tepricë e natës, në vend që t’i ofrohet ekonomisë e cila paguan rrymën sipas HUPX dhe edhe pse Lufton për të mbijetuar dhe për të mbajtur punëtorët, paratë vidhen dhe përfundojnë nëpër xhepa privatë”, tha Hristijan Mickoski, Kryetar i VMRO DPMNE-së.
Por për lidhjen social demokrate, Mickoski është drejtori më i dështuar i ELEM-it i cili, siç thonë, ka sjellë energjinë elektrike më të shtrenjtë për 100 për qind.
“Ky është Mickoski I njejtë që mbahet mend si drejtori më I pasuksesshëm I ELEM-it dhe këshilltarë për energjetikë në Qeverinë e Gruevskit. Në kohën e VMRO-DPMNE-së dhe Mickoskit, pa krizë energjetike dhe me çmime shumë të ulëta në bursat botërore, çmimi I energjisë elektrike është rritur për 100 përqind, ndërsa blihej energji elektrike me çmim më të lartë për 3 deri në katër herë nga ai i tregut”, u shpreh Daniella Nikollova, deputete e LSDM-së.
Me vendim të Qeverisë, nga 1 shtatori të gjitha Institucionet Publike duhet të kursejnë energjinë elektrike ndërsa në çdo dy javë duhet të raportojnë për kursimet./Alsat.mk
