Gazetar: Miki Trajkovski
Një numër i madh i gastronomëve të Ohrit do të mbyllin bizneset e tyre deri në fund të këtij viti, në pamundësi për të përballuar krizën energjetike dhe ekonomike, shkruan Alsat.
Rritja drastike e kostove, thonë, e bën funksionimin e tyre gjithnjë e më të padobishëm.
“Disa thjesht do të reduktojnë biznesin e tyre dhe disa do të mbyllen plotësisht. Varet nga vëllimi i punës dhe parametra të tjerë. Por diskutohet shumë për mbylljen e sektorit. Çmimi i energjisë është rritur ndjeshëm dhe kjo ndikon shumë në punë. Kërkojmë zgjidhje për alternativa ose masën më të papëlqyer, mbylljen e objektit deri në momentin e rentabilitetit”, tha Mihail Mishev – shoqata e gastromëve Ohër.
Ngjashëm është edhe në qytetet e tjera.
“Në projeksionin për biznesin për këtë dimër kemi një shumë të tmerrshme për të lënë mënjanë, të cilën duhet ta japim veçmas për energjinë elektrike dhe burimet e tjera të energjisë, janë jo pak kolegë që do të mbyllin një pjesë të objektit, tarracën. Disa do mbyllin, disa do mbyllin pjesërisht disa ditë. Të gjithë po bëjnë projeksion të biznesit”, u shpreh Mario Trifunoski – Klubi Esnaf-Manastir.
Disa nga restorantet dhe kafenetë do të mbyllen për herë të parë pas dhjetë vitesh funksionim dhe kështu një pjesë e mirë e punonjësve do të mbeten në rrugë. Ndërkohë disa nga objektet punojnë vetëm gjatë ditës.
“Reduktimi i frekuentimit është i kuptueshëm, sepse kriza godet xhepin e të gjithëve dhe të gjithë duan të kalojnë sa më lirë. Megjithatë frekuentimi është i dukshëm dhe cilësia e shërbimit ka rënë. Bëhet fjalë vetëm për kafetë e përditshme”, theksoi Mihail Mishev – shoqata e gastronomëve Ohër.
E njëjta situatë është edhe në Strugë. Restorantet përballen me qarkullim të reduktuar për shkak se dritat e rrugëve fiken natën, kështu që vështirë se dikush del në mbrëmje.
Situata e tillë do të jetë edhe në Strugë, ndërsa gastronomët këtu po përballen me ulje të qarkullimit dhe shumë më pak punë, sepse natën fiken dritat e rrugëve, kështu që në një qytet të errët dhe të pandriçuar vështirë se dikush del./ Alsat.mk
