Lëndohet Messi, e frikëson Argjentinën, dy javë para fillimit të Kupës së Botës.
Lionel Messi ka pësuar një lëndim, ku do të mungojë në ndeshjen e nesërme, ndaj Lorientit, në Ligue 1.
Pavarësisht këtij lëndimi, Messi nuk rrezikon pjesëmarrjen në Kupën e Botës, pasi sipas klubit të tij, Paris Saint-Germain, është një lëndim i lehtë, madje do të rikthehet në stërvitje gjatë javës së ardhshme.
Messi është i dëshpëruar për të arritur një sukses të lartë këtë herë me Argjentinën, në Kupën e Botës, pasi është trofeu i vetëm që i mungon në sirtarët e tij.
Ai madje ka deklaruar që Kupa e Botës do të jetë e fundit për të në karrierën e tij të bujshme.
Argjentinasi arriti të fitojë një trofe në vitin 2021, duke triumfuar në Kupën e Amerikës, por që ai është duke kërkuar një trofe më të madh, për të përmbyllur karrierën në mënyrën më të mirë të mundshme.
Ndryshe, ndeshja mes PSG-së dhe Lorientit, zhvillohet nesër më fillim nga ora 13:00.
