Prishtina dhe Gjilani ndajnë pikët.
Prishtina ka barazuar me Gjilanin, me rezultat 2-2, në kuadër të javës së 15-të në Superligën e Kosovës.
Të parët në epërsi kaluan vendasit me Arlind Shabanin, në minutën e 43’, me këtë rezultat u mbyll pjesa e parë.
Në pjesën e dytë, Gjilani e barazoi rezultatin, me anë të Albert Dabiqajt, në minutën e 58’.
Kryeqytetasit kaluan edhe njëherë në epërsi në minutën e 63’, me Albin Prapashticën, por ishte prapë Dabiqaj shënoi edhe njëherë, duke e barazuar rezultatin për herë të dytë në ndeshje.
Ndeshja nuk dhuroi më gola dhe u mbyll në barazim.
Prishtina pas barazimit kalon në vendin e tretë, me 23 pikë, pas 14 ndeshjeve, derisa Gjilani në pozitën e katërt me pikë të njëjta.
