Kombëtarja e Argjentinës siguroi sonte kalimin për në finalen e madhe të Kupës së Botës “Katar 2022”.
Kombëtarja argjentinase eliminoi sonte Kroacinë në gjysmëfinale, pasi fitoi me rezultatin 3:0, shkruan Gazeta Express.
Messi shkëlqeu edhe sonte, duke shënuar gol dhe regjistruar gjithashtu një asistim.
Pas ndeshjes, 35-vjeçari ka reaguar përmes faqes së tij zyrtare në “Facebook”.
“NË FINALE! Ne u kthyem për të marrë forcë për të luajtur një tjetër lojë të madhe. Faleminderit shumë të gjithëve që i besuan këtij grupi!!! Përpara Argjentinë! Tëgjithësëbashku”, shkroi shtatë herë fituesi i “Topit të Artë”.
Argjentina do të presë fituesin nga ndeshja e nesërme gjysmëfinale, mes Francës dhe Marokut, që do të zhvillohet nga ora 20:00.
Finalja e madhe e Kupës së Botës do të zhvillohet të dielën.
