Ministria për Punë të Brendshme (MPB) njofton se gjatë ditës së djeshme janë realizuar bastisje në 19 lokacione në Shkup, me çka janë arrestuar 16 persona.
“SPB Shkup në koordinim me Prokurorinë Themelore Publike pas marrjes së urdhrit të gjykatës, kanë kryer bastisje në shtëpi dhe hapësira tjera në 19 lokacione me çka janë arrestuar 16 persona për shkak të dyshimit të kryerjes së veprës penale prodhim dhe shitje të paligjshme të lëndëve narkotike.Gjatë bastisjes janë gjetur një shumë e madhe e parash”, thuhet në njoftimin e MPB-së.
Nga atje shtojnë se pas dokumentimit të rastit ndaj personave të ndaluar do të përgatiten kallëzime përkatëse.
