Rada Trajkoviq, këshilltarja e ministrit për Komunitete dhe Kthim, Nenad Rashiq, ka treguar se pse i kërkuari nga Policia e Kosovës, Milan Radojiçiq ka bërë thirrje për t’u bojkotuar zgjedhjet lokale në komunat veriore.
Përmes një reagimi në Twitter, të hënën, Trajkoviq ka thënë se me këtë është forcuar argumentuar se serbët janë detyruar të mos dalin në votime.
Ajo ka thënë po ashtu se Kosova ka bërë mirë që nuk i ka organizuar zgjedhjet nëpër shkolla.
Por ajo ka paralajmëruar se kryetarët e komunave do të përballen presion të madh.
Ka shtuar se bojkoti i Listës Serbe nuk do të ketë efekt, për shkak se kanë marrë pjesë në shtatë palë zgjedhje.
”Dhe bojkoti i Listës Serbe, tani që ka marrë pjesë 7 herë në zgjedhje, nuk do të ketë efekt. Pse gjatë gjithë kësaj kohe SL nuk i zgjidhi problemet por vetëm promovoi forcimin e pavarësisë së brendshme të Kosovës? Është e qartë se ato procese nuk ishin problem për ta, por Kurti ishte problemi i tyre”, ka thënë ajo.Në zgjedhjet lokale të katër komunave veriore morën pjesë 3.47 për qind e qytetarëve me të drejtë vote, por zgjedhjet u cilësuan si ligjore nga ambasada amerikane në Kosovë.
