Pas shkarkimit të kryetares së Këshillit Gjyqësor, Vesna Damevës, nga Ambasada e Shteteve të Bashkuara të Amerikës për ALSAT theksuan edhe një herë nevojën për gjyqësor të pavarur. Sipas zyrës së SHBA-së në Shkup, pa marrë parasysh kush do ta zërë vendin e Damevës, ka shumë punë për t’u bërë në drejtim të ndërtimit të besimit të qytetarëve.
“Ambasada e SHBA-së shpreson të sheh gjyqësor të pavarur dhe përgjegjës, pavarësisht kush janë krerët e tyre. Kjo është thelbësore për ndërtimin e besimit në institucionet e gjyqësorit të Maqedonisë së Veriut”, thuhet në reagimin e Ambasadës së SHBA-së në Maqedoninë e Veriut.
