Paris Saint-Germain ka humbur mbi një milion ndjekës në Instagram që nga ndeshja e fundit e Lionel Messit të shtunën.
Në fillim të kësaj jave, parisienët njoftuan se ndeshja e tyre e fundit e sezonit do të ishte e fundit për argjentinasin për klubin.
Në një deklaratë zyrtare thuhej: “Pas dy sezonesh në kryeqytetin francez, aventura e Leo Messit me Paris Saint-Germain do të marrë fund në përfundim të sezonit 2022–2023”.
“Klubi dëshiron të falënderojë shtatë herë fituesin e Topit të Artë, i cili gjithashtu ngriti një Trophee des Champions dhe dy tituj të Ligue 1 me Les Rouge et Bleu”.
Pavarësisht sezonit mbresëlënëse të PSG-së në Ligue 1 – e cila pa skuadrën e Christophe Galtier të fitonte titullin e 11-të – lamtumira e Messit në Parc des Princes u zbeh nga një humbje shokuese 3-2 nga Clermont në mes të tabelës.
Dhe për t’i bërë gjërat edhe më keq, reprezentuesi argjentinas u vërshëllye nga tifozët ndërsa po largohej nga fusha.
PSG humbi 1.3 milion ndjekës në Instagram pas largimit të Messit, duke sugjeruar që shumë tifozë e ndiqnin klubin vetëm për të mbështetur shtatë herë fituesin e Topit të Artë.
