Charles McGonigal, ish-agjenti i diskredituar i FBI-së, pranoi fajësinë të martën për atë që njihet si çështja ruse ndaj tij. Ai pranoi se ka punuar me një oligark rus të sanksionuar.
Sipas Business Insider, ai pranoi fajësinë për akuzën e pastrimit të parave dhe komplotit për të shkelur sanksionet. Insider thekson se ai përballet edhe me një tjetër akuzë, për atë që njihet si çështja shqiptare.
Gjykatësi i çështjes vuri në dukje se ai është nën akuzë në Uashington për atë që njihet si çështja shqiptare.
Dënimi ndaj tij pritet të jepet në 14 dhjetor.
Sipas CNN, ai rrezikon deri në pesë vite burg për këtë akuzë.
Përpara gjykatëses, fillimisht ai u pyet se si ndjehet emocionalisht dhe për gjendjen mendore.
“Mendja është e qartë. Ndjehem mirë,” tha ai.
55-vjeçari tha se ndjen keqardhje të thellë për veprimet e tij.
© SYRI.net
