Rusia ka denoncuar planin e Uashingtonit për t’i siguruar ushtrisë ukrainase municione që përmbajnë uranium të varfëruar si pjesë e një pakete të re ndihme prej 1 miliard dollarësh për Kievin , duke e përshkruar vendimin për të ofruar armët e diskutueshme si çnjerëzore.
Pentagoni tha të mërkurën se municionet me uranium të varfëruar për tanket Abrams të prodhuar nga SHBA do të ishin pjesë e një pakete të re ushtarake me vlerë deri në 175 milionë dollarë që së bashku me ndihma të tjera paketa kap shifrën 1 miliard dollarë.
Njoftimin e dha Sekretari amerikan i Shtetit Antony Blinken gjatë vizitës së tij të djeshme në kryeqytetin ukrainas, Kiev.
“Është e qartë, me idenë e tij për të shkaktuar një “humbje strategjike”, Uashingtoni është i përgatitur të luftojë jo vetëm deri në ukrainasin e fundit, por edhe të zhdukë breza të tërë,” tha ambasada.
“SHBA-ja po transferon qëllimisht armë me efekte pa dallim”, shtoi ambasada.
“Ai është plotësisht i vetëdijshëm për pasojat: shpërthimet e municioneve të tilla rezultojnë në formimin e një reje radioaktive lëvizëse. Grimcat e vogla të uraniumit vendosen në traktin respirator, mushkëri, ezofag, grumbullohen në veshka dhe mëlçi, shkaktojnë kancer dhe çojnë në frenimin e funksioneve të të gjithë organizmit’
Së bashku me predhat e uraniumit të varfëruar për tanket që SHBA planifikon t’i dërgojë Ukrainës, paketa e re e ndihmës ushtarake përfshin raketa antitank Javelin, sisteme taktike të navigimit ajror dhe municione shtesë për Sistemet e Raketave të Artilerisë me Lëvizshmëri të Lartë (HIMARS), sipas Pentagonit.
Ndërsa Mbretëria e Bashkuar dërgoi municione të uraniumit të varfëruar në Ukrainë në fillim të këtij viti, kjo do të jetë dërgesa e parë e SHBA-së në Ukrainë e predhave të diskutueshme depërtuese të blinduara dhe do të ngjallë polemika mbi përdorimin e armëve të tilla në fushën e betejës.
SHBA u kritikua gjerësisht kohët e fundit për dërgimin e bombave thërrmuese në Ukrainë , pavarësisht shqetësimeve mbi rreziqet që këto armë paraqesin për civilët.
