Shumë prej nesh mund të kenë pasiguri për dukjen. Gjatësia e trupit normalisht nuk është diçka që mund të ndryshohet.
Megjithatë, një grua, e cila nuk ishte e kënaqur me gjatësinë e saj, donte të ishte më e gjatë dhe shkoi deri në ekstrem për të realizuar dëshirën e saj
Modelja gjermane, Theresia Fischer, e cila mori pjesë edhe në “Big Brother”-in gjerman, gjatë një interviste në radion Mdr Jump tregoi historinë e saj, duke zbuluar se ka bërë shumë gjëra që sot është penduar. Një ndër to është pikërisht fakti që ka zgjatur këmbët e saj.
Ajo iu drejtua një operacioni për të zgjatur këmbët me 14 centimetra, për të cilin shpenzoi më shumë se 150,000 euro. Sot ajo pendohet.
Fischer nuk e njeh më veten dhe e ka kuptuar se iu nënshtrua operacionit vetëm për të përmbushur dëshirat e ish-bashkëshortit të saj.
Ajo ka treguar se debatonte çdo ditë me ish-partnerin, i cili shpesh ushtronte presion psikologjik mbi të. Ai i thoshte se i pëlqejnë femrat e gjata dhe i ulte vetëbesimin duke i vënë në dukje se ajo nuk mund të bënte dot asgjë pa të dhe ia kishte nevojën:
‘Nëse e dëgjon atë ta përsërisë 20, 30, 60, 70 herë, atëherë vërtet arrin ta besosh se nuk je asgjë pa të’, tha modelja.
Ndërhyrja e bëri atë të kalonte një metër e 84 në gjatësi nga e 70 që i kishte dhënë nëna natyrë. Zgjatimi u bë i mundur duke futur shufra metalike, një lloj proteze, në këmbë. Por nëse do kthehej pas në kohë, nuk do e bënte kurrë diçka të tillë:
Ajo gjithashtu u përball me kritika të mëdha nga përdoruesit e internetit.
Ajo thotë:
“Tani ndihem e lumtur dhe e kënaqur me këmbët e mia, por jam përballur me një sërë kritikash në internet. Më vjen keq që e bëra, që ndryshova trupin tim për të tjerët”.
