Në një intervistë për Alsat, ish nënkryetari i Kuvendit nga radhët e BDI-së Rafis Aliti njëherit kryetar i departamentit për kujdesjen e bashkëluftëtarëve, familjeve të dëshmorëve dhe invalidëve tha se kreu i integristëve Ali Ahmeti ka biseduar me kryeministrin Dimitar Kovaçevski për një zgjidhje ligjore e cila do t’i përfshinte të gjitha kategoritë që kanë pësuar në konfliktin e armatosur të vitit 2001.
Nga ana tjetër, kryeministri Kovaçevski sot hodhi poshtë si të pavërteta pohimet e Alitit për një takim të tij me Ahmetin lidhur me statusin e ish ushtarëve të UÇK-së.
