Në gjykatën e Posaccme pritet të zhvillohet seanca për caktimin e masës ndaj Sali Berishës në orën 14:30
Ditën e djeshme seanca u shty për shkak të kërkesës së palës mbrojtëse për të marrë kohë për tu njohur me aktet e fashikujt hetimorë.
Genc Gjokutaj, avokati i ish-kryeministrit, publikisht bëri të ditur se ata kanë bërë një kërkesë për përjashtimin e gjyqtares, Irena Gjoka që do t’i komunikojë Berishës masën e detyrimit të paraqitjes.
Për VizionPlus, avokati i ish kryeministrit, Berisha, Sokol Mëngjesi konfirmoi se mbrojtësit ende nuk e kanë depozituar në gjykatë kërkesën, deri në pajisjen e saj me argumentet që sipas tyre lidhen me mungesën e kushtetushmërisë për caktimin e masës së Detyrimit të Paraqitjes nga gjyqtarja. Ata kanë 72 orë kohë për te dëpozituar në gjykatë këtë kërkesë.
Njëlloj edhe, zyra e shtypit të gjykatës konfirmon se në sekretari ende nuk është regjistruar një kërkesë e tillë.
Krahas kërkesave, dje Sali Berisha depozitoi në Spak një kallëzim për shpërdorim detyre për gjyqtaren Irena Gjoka.
Sipas tij, caktimi i masës Detyrim Paraqitje dhe bllokim i pasaportës nga gjykatësja është antikushtetues për shkak se ai gëzon imunitetin e deputetit.
Nga momenti i regjistrimit të kërkesës për përjashtimin e gjyqtares Gjoka, Gjykata e posaçme ka 48 orë kohë për të shqyrtuar kërkesën. Në fillim do të hidhet shorti për një gjyqtar tjetër I cili do të vendoëë për pretendimin e mbrojtjes.
Sali Berisha akuzohet për korrupsion pasiv në bashkëpunim, në procesin e privatizimit të ish-klubit sportive, Partizani.
