Monstruoze por e vërtet: ministri izraelit paralajmëron se ‘hedhja e bombës bërthamore në Gazë është një nga opsionet’ duke shtuar se ata që valëvitin flamurin palestinez ose të Hamasit ‘nuk duhet të vazhdojnë të ekzistojnë në faqen e dheut’.
Ndërkohë shtetet Perëndimore që i duartrokasin Izraelit gjatë ‘mbrojtjes’ së tij nga fëmijët palestinez, heshtin dhe mbase edhe janë të kënaqur kur shohin se ‘fëmija’ i tyre tani më i rritur, me shumëçka tregohet i njëjta si monstrat që donin ta shfarosin popullin hebre.
Izraelitët dhe shtetet që atë e përkrahin edhe mund ta ndalojnë valëvitjen e flamurit palestinez si dhe protestat që shprehin dhembje ndaj fëmijëve të vrarë palestinez, por ata kurrë nuk do ia dalin ta vrasin e ta ndalojnë idealin e një populli për ta çliruar tokën që u është grabitur.
Siç duhet dikush të na tregojë neve se Izraeli i vret fëmijët e Gazës, por vdesim ne që e shohim atë dhe heshtim si qyqarë, ne që sot sillemi njësoj si dikur ata që shtireshin se nuk i shihnin e nuk dinin gjë për llogoret e përqendrimit ku nazistët i shfarosnin popujt e ‘dorës së dytë’.
Ndërkohë duhet thênë shqip e qartë: As nazistët nuk ia dolën të ngrenë kamp përqëndrimi për shfarosjen e popujve të përmasave të Gazës. Edhe atë para syve të gjithë botës. (Kim Mehmeti)
