Tre persona tentuan grabitjen e banesës në kryeqytet, reagon Policia: Janë ngritur pika kontrolli në të gjitha akset kryesore dhe hyrje-daljet e Tiranës për kapjen e autorëve.
Policia ka dalë me reagim zyrtar në lidhje me tentativën e grabitjes në fshatin Prush të Tiranës ku bën me dije se autorë janë tre persona.
Sipas bluve të Tiranës, autorët janë futur në banesë për të grabitur, por shërbimet e policisë kanë mbërritur në vendngjarje.
Banesa qe u tentua të grabitej, fshati Prush Tiranë
Banesa qe u tentua të grabitej, fshati Prush Tiranë
Në momentin e përballjes ka patur shkëmbim zjarri mes autorëve dhe policisë.
Autorët kanë mundur të largohen nga vendngjarja, ndërsa policia bën me dije se “Shërbimet e DVP Tiranë, RENEA, Forcat Kombëtare të Sigurisë, po vijojnë krehjen e zonës dhe kanë ngritur pika kontrolli në të gjitha akset kryesore dhe hyrje-daljet e Tiranës, për identifikimin dhe kapjen e autorëve të dyshuar”.
Njoftimi i policisë:
Më datë 09.12.2023, rreth orës 19:13, në fshatin Prush, përballë ambulancës, në banesën e shtetasit G. H., janë futur disa persona, të armatosur.
Me marrjen e njoftimit shërbimet e Policisë kanë shkuar menjëherë në vendngjarje, dhe në momentin që janë afruar afër banesës, tre personat e armatosur, kanë qëlluar me armë ndaj tyre. Policia është përgjigjur me armë ndaj tyre.
Shërbimet e DVP Tiranë, RENEA, Forcat Kombëtare të Sigurisë, po vijojnë krehjen e zonës dhe kanë ngritur pika kontrolli në të gjitha akset kryesore dhe hyrje-daljet e Tiranës, për identifikimin dhe kapjen e autorëve të dyshuar.
