Një aksident i shumëfishtë ka ndodhur mëngjesin e sotëm në Rrugën e Kombit, fatmirësisht pa pasoja në njerëz.
Ngjarja ka ndodhur në afërsi të fshatit Blinisht, ndërsa siç shihet edhe nga pamjet, në aksident është përfshirë një kamion dhe disa makina.
Si pasojë e përplasjes janë shkaktuar dëme materiale dhe janë lënduar lehtë dy shtetas. Deri më tani nuk dihen rrethanat e ngjarjes, por siç shihet edhe në pamje, në rrugë ka pasur prezencë mjegulle që mund të ketë sjellë edhe vështirësi në fushëpamje.
“Në Rrugën e Kombit, në afërsi të fshatit Blinisht janë përplasur 6 automjete. Si pasojë e përplasjes janë shkaktuar dëme materiale dhe janë lënduar lehtë dy shtetas. Shërbimet e Policisë ndodhen në vendngjarje dhe vijon puna për të përcaktuar shkakun e përfshirjes se automjeteve ne aksident.”, thuhet në njoftimin e policisë.
