Kryetari i Partisë Demokratike të Kosovës, Kadri Veseli ka folur për rikthimin eventual të liderit të Nismës për Kosovën, Fatmir Limaj në PDK.
Ai thotë se e çmon shumë figurën e Limajt me të cilin kanë ndarë momente të renda ushtarake e familjare. Por, kjo, sipas tij, nuk nënkupton edhe qe të pajtohen politikisht, transmeton ‘Indeksonline’.
“Gjithmonë mundohem të dalloj pjesën njerëzore nga interesi politikë. Fatmir Limaj ka pas relacion të mirë në PDK. Ai ka qenë një nga themeluesit. Unë besoj se të gjitha rrugët i kanë të hapura qe të jenë në PDK. Por, nuk dua ta atakoj politikisht me ua marre elektoratin e Nismës, është çështje e tyre”, ka thënë Veseli për emisionin Komiteti.
