Sektori për Punë të Brendshme -Tetovë njofton se gjatë ditës së djeshme ka privuar nga liria një 39 vjeçar nga Gostivari i cili paraprakisht ishte denoncuar nga bashkëshortja e tij për dhunë fizike.
“Më 28.01.2024 në ora 19:30 në Gostivar, zyrtarë policorë nga Stacioni policorë-Gostivar kanë privuar nga liria personin V.L. (39) nga Gostivari, për shkak se i njëjti ka sulmuar fizikisht gruan e tij 31-vjeçare në shtëpinë e tyre familjare, me çka i ka dëmtuar edhe orenditë me një mjet metalik. V.L. është ndaluar në komisariat dhe pas dokumentimit të plotë të çështjes, kundër tij do të vijojë parashtresa përkatëse”, thuhet në njoftimin e SPB-Tetovë. /Alsat.mk
