Dy persona janë arrestuar nga policia greke, pasi janë kapur më një sasi të madhe hashashi.
Sipas informacioneve, autoritetet arrestuan një 52-vjeçar grek dhe një grua 40-vjeçare shqiptare, të cilëve iu gjetën dhe sekuestruan 10 kilogramë kanabis.
Mediat greke shkruajnë se identifikimi i tyre është bërë pas një kallëzimi ndaj tyre.
Gjatë kontrolleve në banesën dhe makinën e tyre, është gjetur edhe shuma e parave prej 23 mijë eurosh dhe peshore precize.
