Nga koalicioni VLEN thonë se Gjykata Administrative ka pranuar ankesën e tyre në lidhje me vendvotimin për zgjedhjet presidenciale në Likovë ku, siç pretendojnë nga atje, ka pasur mbushje të kutive.
“Gjykata Administrative dje ka pranuar ankesën tonë në lidhje me vendvotimin në Likovë ku ka pasur mbushje të kutisë nga ana e njerëzve të afërt të bartësit të listës së BDI-së sipas mënyrës të quajtur treni bullgar”, thonë nga VLEN.
Nga atje thonë se Gjykata Administrative ka pranuar ankesën e koalicionit VLEN, ndërsa vendimi i KSHZ-së për këtë vendvotim anulohet dhe do të rishikohet.
Nga atje kërkojnë që vjedhësit e votës të dalin para gjykatësit.
