Një 66 vjeçar ka humbur jetën mbrëmjen e sotme (19 qershor) pasi teksa po pastronte pusin e ujit të banesës së tij, ka rrëshqitur aksidentalisht në brendësi të saj.
Ngjarja ka ndodhur rreth orës 20:15 në Hamallaj të Durrësit.
Uniformat blu kanë identifikuar 66 vjeçarin me inicialet O.P.
Sakaq, grupi hetimor ndodhen në vendngjarje e po punojnë për sqarimin e rrethanave të ngjarjes.
Durrës/Informacion paraprak
Rreth orës 20:15, në Hamallaj, Durrës, shtetasi O. P., 66 vjeç, duke pastruar pusin e ujit në banesën e tij, dyshohet se aksidentalisht ka rrëshkitur dhe ka rënë në brendësi të pusit dhe për pasojë ka humbur jetën.
Grupi hetimor nën drejtimin e Prokurorisë ndodhet në vendngjarje dhe po punon për sqarimin e rrethanave të ngjarjes.
