Një zjarr ka rënë mes disa pallatesh në ndërtim në lagjen nr.1 në hyrje të qytetit të Sarandës, ditën e sotme.
Sipas informacioneve të para, flaka ka rënë në disa shkurre afër dy objekteve një katëshe në ndërtim.
Nga zjarri rrezikoheshin dhe banesat përreth, ndërsa është ndërhyrë me 3 makina dhe 6 zjarrfikës për të mos lejuar përhapjen më tutje të flakëve.
Mësohet se është djegur një barakë e ndodhur aty dhe një pemë pishe.
Dyshohet se kemi të bëjmë me zjarr të qëllimshëm, por flakët mund t‘i ketë shkaktuar edhe nxehtësia e madhe.
Policia ndërkohë është në vendngjarje dhe ka nisur hetimet.