Një konflikt mes dy vëllezërve në Klos, i cili kishte mundësi të përshkallëzonte më rëndë, ka bërë që të arrestohet një 38 vjeçar, të cilit i është sekuestruar e arma e zjarrit.
Ngjarja ka ndodhur në fshatin Gurrë e Vogël të Klosit, ku po konfliktoheshin dy vëllezër për motive të dobëta, të cilat nuk janë bërë me dije nga ana e uniformave blu.
Me ndërhyrjen e policisë është parandaluar përshkallëzimi i mëtejshëm i sherrit në familje.
Ndërkohë nga kontrolli i banesës së 38 vjeçarit me iniciale R.T., u gjet e u sekuestrua një armë zjarri pistoletë, e cila do shërbejë në cilësinë e provës materiale.
Çështja i ka kaluar Prokurorisë së Dibrës për veprime të mëtejshme.
Njoftimi
Klos/Parandalohet përshkallëzimi i mëtejshëm i një konflikti në familje, që mund të kishte pasoja të rënda për jetën.
Për motive të dobëta, u konfliktua verbalisht me vëllanë e tij, ndërhyrja e menjëhershme e Policisë, bëri të mundur arrestimin në flagrancë të 38-vjeçarit.
Në banesën e 38-vjeçarit, shërbimet e policisë gjetën dhe sekuestruan 1 armë zjarri pistoletë.
Menjëherë pas njoftimit të marrë se në fshatin Gurrë e Vogël, për motive të dobëta, po konfliktoheshin verbalisht dy vëllezër, shërbimet e policisë shkuan menjëherë në adresë dhe si rezultat i ndërhyrjes së menjëhershme, u bë i mundur parandalimi i mëtejshëm i këtij konflikti, si dhe arrestimi i shtetasit R.T., 38 vjeç, banues në fshatin Gurrë e Vogël, Klos.
Gjatë kontrollit të banesës së 38-vjeçarit, iu gjet e fshehur dhe iu sekuestrua në cilësinë e provës materiale, 1 armë zjarri pistoletë me municion luftarak.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.
