Një aksident është shënuar në aksin “Elbasan-Peqin” ditën e sotme, ku një kamion me targa të Maqedonisë së Veriut është përplasur me një automjet tip “Toyota”.
Nga përplasja kokë më kokë, mjeti tip Toyota ka përfunduar anës rrugës, i shkatërruar plotësisht në pjesën e përparme.
Ende nuk dihet nëse ka persona të lënduar nga aksidenti, ndërsa mësohet se policia po shkon drejt vendngjarjes për të hetuar shkaqet.
