Gazetari Artan Hoxha është paraqitur në ambientet e Prokurorisë së Posaçme lidhur me dosjen e “21 janarit”.
Ai është thirrur nga SPAK për të dhënë sqarime për një material audio.
Bëhet me dije se në këtë material shfaqen komunikimet e punonjësve të Gardës, para dhe pas protestës së 21 janarit.
Kujtojmë që pak muaj më parë, Gjykata e Lartë vendosi që ‘21 janari’ të hetohet nga SPAK, i cili është i detyruar të regjistrojë procedimin.
Ky është urdhri i Gjykatës së Lartë, e cila pranoi kërkesën e familjarëve të Aleks Nikës, që krimi shtetëror i para 13 viteve të mund të shohë zbardhjen e plotë.
