Jofiel Koço është astrologu i cili i dha fund jetës së tij duke u hedhur nga kati i shtatë i një pallati në Korçë, në zonën e njohur si “pallati i kinezëve”.
53 vjeçari ishte një astrolog i njohur, i cili ftohej shpesh në emisione televizive për të bërë parashikimin e shenjave të horoskopit.
Jofiel Koço raportohet se ishte prind i dy fëmijëve, por jetonte vetëm në banesë.
“Mëngjesin e sotëm, në lagjen nr.8, dyshohet se është vetëhedhur nga tarraca e katit të shtatë të një pallati, shtetasi J. K., 53 vjeç, i cili si pasojë e dëmtimeve ka humbur jetën.
Grupi hetimor po punon për sqarimin e rrethanave të rastit”, njoftoi policia.
Nuk dihet ende arsyeja që çoi astrologun Jofiel Koço drejt aktit të vetëflijimit.
