Ministri për eurointegrime, Orhan Murtezani thotë se është kërkuar ndihmë nga shtetet anëtare të BE-së për të krijuar hapësirë për dialog me Bullgarinë. Ndërkohë i pyetur nëse VLEN do të dalë nga qeveria nëse nuk realizohen ndryshimet kushtetuese brenda 6 muajve qeverisje, Murtezani me përgjigje:
“Gjatë bisedimeve për formimin e qeverisë së re, ne si koalicion VLEN kemi dhënë një afat gjashtë mujorë, brenda të cilit qeveria duhet të dalë me propozim konkret për zgjidhjen e problemit me ndryshimet kushtetuese. Aktualisht jemi në muajin e katërt, dhe pa skaduar ky afat nuk kemi pse e komentojmë. Kur të afrohemi nga fundi, atëherë do ta shohim se cilat do të jenë hapat e mëtutjeshëm”, deklaroi Orhan Murtezani, VLEN.
